Innlent

Fjögurra bíla á­rekstur við N1 í Ártúnsbrekku

Lovísa Arnardóttir skrifar
Töluverður viðbúnaður er í Ártúnsbrekkunni og umferðartafir.
Töluverður viðbúnaður er í Ártúnsbrekkunni og umferðartafir. Aðsend

Fjögurra bíla árekstur varð við  N1 í Ártúnsbrekku í morgun. Einn var fluttur á slysadeild. Aðeins er verið að aka eina akrein í vesturátt og því töluverðar tafir. 

Guðjón Ingason, varðstjóri slökkviliðsins á höfuðborgarsvæðinu, segir í samtali við fréttastofu að hætta sé afstaðin en það sé enn dælubíll á vettvangi og þess beðið að hægt sé að fjarlægja bílana af vettvangi. 

Hann segir líklegt að slysið hafi áhrif á umferð í vesturátt en slysið varð þeim megin. Aðeins sé verið að aka eina akrein og mikil umferð.

Fréttin hefur verið uppfærð.

Umferð Samgönguslys Slökkvilið Lögreglumál Reykjavík

Mest lesið


Fleiri fréttir

Sjá meira


×

Mest lesið