Sjáðu auka­spyrnu Lillýjar: Mörkin sem komu Val úr fallsæti og FH á toppinn

Umferðinni lýkur í kvöld þegar Stjarnan mætir botnliði Víkings og Breiðablik sækir Þrótt heim og reynir að komast aftur á topp deildarinnar.

FH náði toppsætinu í gær og gerði um leið Grindavík/Njarðvík stóran greiða, með 2-1 endurkomusigri gegn Þór/KA. Norðankonur hefðu með sigri getað náð 6. sæti af Grindavík/Njarðvík en nýliðarnir héldu því og eru í því sex liða hópnum í efri hlutanum, þegar deildinni verður skipt upp.

Framkonur gerðu sitt besta til að komast í efri hlutann, með frábærum 3-2 endurkomusigri gegn ÍBV í Vestmannaeyjum, en enda (nema að Þróttur tapi með 12 marka mun gegn Breiðabliki í kvöld) í 7. sæti. Þær eru því efstar af fjórum neðstu liðunum sem fara nú í æsispennandi fallbaráttu, en Fram er aðeins fimm stigum fyrir ofan botnlið Víkings sem auk þess á leikinn í kvöld til góða.

Valskonur komu sér úr botnsætinu með frábærum 4-1 útisigri gegn Grindavík/Njarðvík. Miðvörðurinn Lillý Rut Hlynsdóttir skoraði í þriðja leiknum í röð og nú úr frábærri aukaspyrnu af löngu færi. Heimakonur voru eflaust með hugann að einhverju leyti við úrslitaleik Mjólkurbikarsins við Þrótt næsta laugardag.