Neitaði að borga og sló vagn­stjórann

Þetta segir Hjördís Sigurbjartsdóttir, stöðvarstjóri á lögreglustöðinni á Vínlandsleið, en atvikið varð í umdæmi hennar á Ártúnshöfða.

Hún segir að vagnstjórinn hafi tilkynnt lögreglu um árásina og laganna verðir hafi tekið skýrslu af honum auk farþega vagnsins. Vagnstjórinn hafi þó ekki kært árásina og því sé málinu lokið af hálfu lögreglunnar, í það minnsta í bili. Þá segir hún að vagnstjórinn hafi ekki særst.

Pétur Karlsson, trúnaðarmaður hjá Strætó, sagði í samtali við Vísi fyrr í suma að það væri daglegt brauð að vagnstjórar þyrftu að eigast við ógnvænlega hegðun í strætisvögnum. 

„Það hefur töluvert verið kvartað undan því, já, yfir ógnvænlegri hegðun. Það er ekki beint verið að ráðast á með höndum daglega, en þetta ógnvænlega atferli, það er í gangi alla daga,“ sagði Pétur.