Olivia Rodrigo á Ís­landi

Icelandair flaug frá Portland í nótt og lenti í Keflavík klukkan hálf sex í morgunsárið. Samkvæmt heimildum fréttastofu var bandaríska söngkonan í fyrsta farrými og ekki á leið í tengiflug.

Rodrigo er ein stærsta poppstjarna í heimi og rataði þriðja plata hennar, you seem pretty sad for a girl so in love, á metsölulista um allan heim þegar hún kom út 12. júní síðastliðinn. Rodrigo fylgir plötunni eftir með Unraveled-tónleikaferðalaginu sem fer af stað í september og lýkur í maí á næsta ári.

Hún hefur því nægan tíma til að hvíla sig og undirbúa fyrir tónleikaferðalagið og mun eflaust gera það hér á landi á næstunni.