Innlent

Tröppurnar við Grafarvogsvirkju hreinsaðar

Áróra L Davíðsdóttir skrifar
Grafarvogskirkja hefur sagst ætla að standa fyrir því að regnbogafáninn verði málaður aftur við kirkjuna á næstu dögum.
Grafarvogskirkja hefur sagst ætla að standa fyrir því að regnbogafáninn verði málaður aftur við kirkjuna á næstu dögum. Vísir/Sigurjón

Búið er að hreinsa tröppurnar við Grafarvogskirkju en málað var yfir regnbogafána sem prýddi tröppurnar í gærnótt með íslensku fánalitunum.

Kirkjan segist ekki hafa staðið að gjörningnum. Í myndefni sem lögregla hefur skoðað sjáist tveir menn vinna skemmdarverkin í skjóli nætur. Lögregla rannsakar nú málið sem hatursglæp. 

Háþrýstidæla var notuð við þrif á stéttinni framan við kirkjuna.Vísir/Sigurjón

Grafarvogskirkja hefur sagst ætla að standa fyrir því að regnbogafáninn verði málaður aftur við kirkjuna á næstu dögum. 

Vísir/Sigurjón

„Við erum stolt af Pride fánanum í tröppunum okkar og munum á næstu dögum vinda okkur í að mála hann aftur á tröppurnar og þiggjum sannarlega hjálp frá ykkur við það,“ segir í Facebook-færslu kirkjunnar.

Arna Ýrr sóknarprestur í Grafarvogskirkju segir Þjóðkirkjuna halda fánalögum í heiðri og að íslenska fánanum sé flaggað daglega við Grafarvogskirkju, sem og aðrar kirkjur.Vísir/Sigurjón

Lögreglu hafi borist einhverjar ábendingar um málið en verið sé að vinna úr þeim. Enginn hafi verið yfirheyrður að svo stöddu að sögn lögreglunnar á höfuðborgarsvæðinu. Á upptöku úr eftirlitsmyndavélum sjáist tveir menn við verknaðinn en hún getur ekki fullyrt hvort fleiri hafi komið að skemmdarverkinu. 

Íslensku fánalitnirnir voru málaðir yfir regnbogafánann á tröppum við Grafarvogskirkju. „Ég verð að segja að sem biskup að þá sakna ég krossins í fánanum. Þetta líkist meira fána Grænhöfðaeyja heldur en þeim íslenska,“ segir Guðrún Karls Helgudóttir, biskup Íslands og fyrrverandi sóknarprestur í Grafarvogskirkju.Vísir/Vilhelm
Hinsegin Þjóðkirkjan Íslenski fáninn Reykjavík

Mest lesið


Fleiri fréttir

Sjá meira


×

Mest lesið