Uppljóstrað um kín­verskt glæpanet og Kristján Lofts­son mætir í beina út­sendingu

Um fátt hefur verið deilt harðar en hvalveiðar það sem af er sumri. Við ræðum við Kristján Loftsson eiganda Hvals hf. um umdeilda upplýsingagjöf MAST sem hann segir hafa stefnt áhöfn í voða og margt fleira.

Á að bíða til ársins 2038 eftir lausn á gönguljósunum á Miklubraut? Margir spyrja hvers vegna ekki megi setja tímabundna göngubrú yfir götuna líkt og gert var yfir Sæbraut.

Rússar létu sprengjum rigna yfir Úkraínu í nótt í aðdraganda leiðtogafundar NATÓ sem er á dagskrá í Ankara á morgun. Í kvöldfréttum förum við yfir atburði liðinnar nætur þar sem 21 lést.

Ólíklegasta fólk er samherjar í nýstofnaðri hreyfingu gegn aðild Íslands að ESB. Hreyfingin kallast Áfram Ísland. Við kynnum okkur málið í beinni.

Óvissa ríkir um starfsemi Sjúkrahússins á Akureyri á Kristnesspítala eftir að mygla greindist. Velunnari spítalans segir stöðuna sorglega.

Í sportinu heyrum við í frændum okkar Norðmönnum sem fagna sigri á Brasilíu á HM líkt og um þjóðhátíð sé að ræða. Þá rýnum við í leik Englands og Mexíkó.

Þetta og margt fleira í kvöldfréttum á samtengdum rásum Sýnar, Vísis og Bylgjunnar á slaginu 18.30.