Elta Manchester United allt næsta tíma­bil

Greint var frá þessu í dag en myndatökumenn munu fylgja liðinu eftir allt keppnistímabilið 2026-27 og fá áhorfendur einstakan aðgang að einu þekktasta knattspyrnufélagi heims. Þá verður fylgst með leikmönnum, þjálfurum og starfsfólki félagsins bæði innan sem utan vallar.

All or Nothing þættirnir hafa áður notið mikilla vinsælda þar sem fylgst hefur verið með stórliðum á borð við Arsenal, Manchester City og Tottenham Hotspur.

Þættirnir verða næsta sumar og verða aðgengilegir á heimsvísu. Stuðningsmenn félagsins geta því átt von á að fá áður óséða innsýn í lífið hjá Rauðu djöflunum.