Viðskipti innlent

Björg­vin kjörinn nýr for­maður FHG

Freyja Þórisdóttir skrifar
Björgvin Jóhannesson hefur verið kjörinn nýr formaður FHG.
Björgvin Jóhannesson hefur verið kjörinn nýr formaður FHG.

Björgvin Jóhannesson hefur verið kjörinn nýr formaður FHG, Fyrirtækja í hótel- og gistiþjónustu. Hann tekur við af Kristófer Oliverssyni sem hefur gegnt formennsku frá stofnun FHG árið 2018.

Greint var frá fréttunum í tilkynningu en þar kom einnig fram að FHG væri „sameiginlegur vettvangur þeirra sem standa að hótel- og gistiþjónustu á Íslandi með áherslu á heilbrigt rekstrarumhverfi greinarinnar í því samkeppnisumhverfi sem gistiþjónusta býr við, innanlands sem utan“.

Björgvin var ráðinn hótelstjóri á Hótel Selfossi snemma árs 2023 en það var í kjölfar eigendaskipta. Hann er einnig hótelstjóri Hótel SouthCoast og hefur setið í stjórn FHG frá árinu 2023.

Þá segir í tilkynningunni að hann hafi verið varaþingmaður Sjálfstæðisflokksins frá árinu 2021 til ársins 2024 en hann settist þrisvar á þing á því tímabili. Björgvin er frá Höfðabrekku í Mýrdalshreppi, þar sem hann var hótelstjóri á Hótel Kötlu um árabil.


Tengdar fréttir






Fleiri fréttir

Sjá meira


×