Viðskipti innlent

Samkaup kaupir Fjarðar­kaup

Bjarki Sigurðsson skrifar
Fjarðarkaup eru fjölskyldufyrirtæki í Hafnarfirði.
Fjarðarkaup eru fjölskyldufyrirtæki í Hafnarfirði. Vísir/Vilhelm

Samkaup hafa fest kaup á Fjarðarkaupum. Viðskiptin eru háð því að Samkeppniseftirlitið samþykki þau. Kaldalón ehf. eignast fasteignina sem verslunin er rekin í. 

Þetta kemur fram í tilkynningu Kaldalóns til Kauphallar. Félagið hefur keypt 1717 ehf. sem á fasteiginina að Hólshrauni 1 þar sem verslun Fjarðarkaupa hefur verið starfrækt um árabil. 

„Fasteignin er 4.271 m² verslunarhúsnæði og hvílir á um 17.300 m2 lóð við Reykjavíkurveg. Á lóð 1717 ehf. eru einnig þjónustustöðvar fyrir orkusölu. Heildarvirði félagsins í viðskiptunum er 2.392 m.kr. Að teknu tilliti til frádráttar vegna tekjuskattsskuldbindingar nemur virði fasteignarinnar um 2.155 m.kr,“ segir í tilkynningu Kaldalóns. 

Samhliða kaupum Kaldalóns á fasteigninni hafi 1717 gert langtímaleigusamning við Samkaup ehf., dótturfélag Dragna hf., um alla fasteignina. Samkaup tekur við rekstri í fasteigninni samhliða kaupum sínum á Fjarðarkaupum.

Frá vinstri: Jón Anton Jóhansson, framkvæmdastjóri fasteigna hjá Dröngum, Sveinn Sigurbergsson, Hjördís Sigurbergsdóttir, Rósa Sigurbergsdóttir, Gísli Sigurbergsson, eigendur Fjarðarkaupa, Auður Daníelsdóttir, forstjóri Dranga og Sigríður Hrefna Hrafnkelsdóttir, framkvæmdastjóri Samkaupa.Silla Pálsdóttir

Fréttin verður uppfærð.

Kauphöllin


Mest lesið


Fleiri fréttir

Sjá meira


×

Mest lesið