Serena Willi­ams fagnaði sigri í endur­komunni: „Ég var stressuð“

Hin 44 ára gamla Williams spilaði í tvíliðaleik ásamt kanadíska táningnum Victoria Mboko. Þær unnu 7-6 (7-2), 6-2 sigur á þeim Erin Routliffe og Nicole Melichar-Martinez.

„Ég var stressuð hálftíma áður en við áttum að fara inn á völlinn, en svo lét ég það fram hjá mér fara. Ég hugsaði með mér að ég ætlaði að hafa gaman á vellinum, og það gerði ég líka. Ég naut þess,“ sagði Serena Williams

Það eru fjögur ár síðan Serena lagði spaðann á hilluna en hún hefur augljóslega haldið sér í formi.

Goðsögnin, sem hefur unnið 23 risatitla í einliðaleik og 14 í tvíliðaleik, kom tennisheiminum á óvart þegar hún tilkynnti fyrir viku síðan að hún myndi spila tvíliðaleik á WTA500-mótinu í London.

„Ég hef aldrei fengið að spila hér áður, því mótið var bara fyrir karla á mínum tíma. Það er mjög sérstakt að spila á svona sögufrægum velli og ég elskaði að spila með Victoriu,“ sagði Serena.