Bein útsending: Enn hærri skattar, fyrir hvern?

Í tilkynningu frá SFF segir að skattahækkun á fjármálafyrirtæki hafi verið boðuð í fjármálaáætlun fjármála- og efnahagsráðherra fyrir árin 2027 til 2031. Ekki hafi verið upplýst um eðli hennar eða umfang með tilheyrandi óvissu og ófyrirsjáanleika.

Kynnir skýrslu um skattaumhverfið

Á fundinum, sem beri yfirskriftina Enn hærri skattar, fyrir hvern?, muni Dr. Gunnar Haraldsson, stofnandi Intellecon, kynna niðurstöður skýrslu um rekstrar- og skattaumhverfi fjármálaþjónustu á Íslandi og velta upp mögulegum áhrifum af boðaðri skattahækkun.

Auk þess muni Benedikt Gíslason, bankastjóri Arion banka og Tómas Brynjólfsson, varaseðlabankastjóri fjármálastöðugleika Seðlabankans, halda erindi á fundinum.

Aðrir þátttakendur á fundinum verða:

• Arna Lára Jónsdóttir, þingmaður Samfylkingarinnar og formaður efnahags- og viðskiptanefndar Alþingis
• Daði Már Kristófersson, fjármála- og efnahagsráðherra og varaformaður Viðreisnar
• Guðrún Hafsteinsdóttir, formaður Sjálfstæðisflokksins
• Hreiðar Bjarnason, framkvæmdastjóri fjármála hjá Landsbankanum
• Jón Guðni Ómarsson, bankastjóri Íslandsbanka
• Nanna Margrét Gunnlaugsdóttir, þingmaður Miðflokksins
• Þorsteinn Víglundsson, formaður Samtaka iðnaðarins, forstjóri Hornsteins og fyrrverandi félags- og jafnréttismálaráðherra
• Þórður Pálsson, forstöðumaður fjárfestinga hjá Sjóvá

Fundarstjóri verði Heiðrún Jónsdóttir, framkvæmdastjóri SFF og þá muni Ingvar Haraldsson, greininga- og samskiptastjóri SFF, og Íris Björk Hreinsdóttir, yfirlögfræðingur SFF, stýra pallborðsumræðum.

Í spilaranum hér að neðan má sjá beina útsendingu frá fundinum: