Mót­mæli við Austur­völl

Mótmælin sem samtökin No Borders standa fyrir hófust klukkan þrjú og ræðuhöld hefjast klukkan fjögur.  

Fréttamaður Vísis er á Austurvelli og segir mikil læti vera á svæðinu og að þingmenn kíki út um gluggann á Alþingishúsinu öðru hvoru. Lögregla stendur vörð um húsið.

Samkvæmt upplýsingum á Facebook-viðburði mótmælanna krefjast samtökin No Borders þess að:

Meðal ræðumanna mótmælanna eru fulltrúar W.O.M.E.N in Iceland (félag kvenna af erlendum uppruna) og Amnesty International. Á síðustu dögum hafa samtök og stofnanir gefið út yfirlýsingar þar sem þau leggjast gegn frumvarpinu, einkum fyrirhugaðri vistun barna.

Ekki fyrstu mótmælin vegna frumvarpsins

Á mánudaginn síðastliðinn var gert hlé á þingfundi eftir að mótmælendur á vegum No Borders létu í sér heyra á þingpöllum í annarri umræðu frumvarpsins.

Til stóð að afgreiða frumvarp dómsmálaráðherra um brottfararstöð á yfirstandandi þingi, fyrir mars, og að úrræðið yrði opnað í júní á þessu ári.

Greint var frá því í upphafi síðasta mánaðar að allsherjar- og menntamálanefnd hygðist leggja fram breytingartillögu á frumvarpi dómsmálaráðherra sem felst í því að óleyfilegt verði að vista börn á fyrirhugaðri brottfararstöð.

Fréttin hefur verið uppfærð.