Gæslu­varð­hald fósturföðurins fram­lengt um tvær vikur

Grein var frá því í gær að fertugur karlmaður hefði verið handtekinn um helgina á Suðurnesjum, vegna gruns um að hann hefði brotið ítrekað á barni sem var í fóstri á heimili hans. 

Bjarney Annelsdóttir, yfirlögregluþjónn hjá Lögreglunni á Suðurnesjum, segir í svari við fyrirspurn Vísis að maðurinn hafi verið úrskurðaður í gæsluvarðhald þann 12. maí til dagsins í dag. Lögreglan hafi í dag fengið gæsluvarðhaldið framlengt til 29. maí.

Hann hafi verið úrskurðaður í gæsluvarðhald á grundvelli rannsóknarhagsmun. „Rannsókn málsins miðar vel áfram enda í algjörum forgangi. Rannsókn er engu síður á viðkvæmu stigi.“