Grunaður um í­trekuð brot gegn fóstur­barni

Frá þessu er greint á vef Ríkisútvarpsins en Vísir hefur ekki náð tali af Lögreglunni á Suðurnesjum vegna málsins. Morgunblaðið hefur fengið staðfest hjá Margréti Kristínu Pálsdóttur, lögreglustjóranum á Suðurnesjum, að málið sé til rannsóknar.

Í frétt Ríkisútvarpsins segir að maðurinn, sem sé fertugur, hafi verið handtekinn um helgina og húsleit framkvæmd á heimili hans.

Nýverið var fjallað um að alvarleg mistök hefðu orðið hjá barnaverndarþjónustu Reykjanesbæjar við vistun barna samkvæmt Gæða- og eftirlitsstofnun velferðarmála.

„Við komust að þeirri niðurstöðu að það voru 25 atriði í málsmeðferð varðandi vistun barna, þá bæði hjá fósturforeldrum og utan heimilis sem var ábótavant. Þetta eru fjölmargir þættir sem eru ekki í lagi,“ sagði Hera Ósk Einarsdóttir sviðsstjóri velferðarmála hjá Reykjanesbæ, í kvöldfréttum Sýnar í lok mars.