„Þá held ég að við förum hel­víti langt með þetta“

„Svo sætt, svo ánægð. Þvílíkt sátt með hópinn og þetta eru búnir að vera geggjaðir leikir,“ sagði Sara Sif Helgadóttir, markvörður Hauka, eftir að liðið tryggði sér oddaleik í Eyjum.

„Stórt hrós á ÍBV að spila geggjaðan handbolta og þetta er búið að vera alveg hnekk í hnekk allan tímann. Þannig að já, bara svo sætt og svo ánægð að hafa tryggt þennan oddaleik.“

Síðustu fjórir leikir hafa verið ansi jafnir og er staðan í einvíginu 2-2.

„Í öllum leikjunum er þetta bara stál í stál og svolítið bara svona, hver ætlar að klára þetta og í dag náum við að klára þetta. ÍBV hefur náð að klára þetta í síðustu tveimur leikjum.“

Hvað þurfið þið að gera í oddaleiknum til að tryggja ykkur sæti í úrslitunum?

„Við verðum að halda þessari vörn áfram og þessari baráttu. Ef við fáum leikgleðina með okkur þá kemur sóknin inn og við verðum að fá þessi auðveldu mörk inn. Þannig að ef við náum því og við náum að keyra heim og stoppa þær strax og ekki fá þessi fyrstu tempómörk á okkur sem við höfum verið að fá í síðustu tveimur leikjum. Þá held ég að við förum helvíti langt með þetta en síðan er náttúrulega bara ÍBV alveg þrususterkt lið. Þetta verður bara ógeðslega skemmtilegur handboltaleikur.“