„Við elskum þennan stuðning“

„Mér líður ótrúlega vel. Þetta var stórt markmið hjá okkur,“ sagði Sandra Erlingsdóttir, fyrirliði Íslands, á meðan hún áritaði myndir fyrir stuðningsmenn eftir leik.

Leikurinn leit ekki vel út í byrjun þegar Portúgal voru komnar með fjögurra marka forystu. Þá tók Arnar Pétursson, þjálfari Íslands, leikhlé en hvað var það sem hann fór yfir?

„Að við þyrftum að núllstilla okkur og sjá hvernig þær voru að spila varnarleikinn og finna lausnirnar þar. “

Ekki flóknara en það og virtist gefa liðinu þá innspýtingu sem þurfti.

Hvernig er að spila hér heima með fulla höll að styðja við bakið á liðinu?

„Það er ótrúlega gaman og gefur okkur svo ótrúlega mikið. Heimaleikirnir hafa sýnt upp á síðkastið hvað þeir eru mikilvægir fyrir okkur.“

„Það er frábært að sjá að kvennaboltinn er aðeins að stækka og þetta er að koma hægt og rólega hjá okkur. Við elskum þennan stuðning.“