Sport

Besta sætið: Hellti bensíni á bálið fyrir bestu helgi ársins

Sindri Sverrisson skrifar
Stjarnan og KR halda áfram spennandi einvígi sínu í kvöld.
Stjarnan og KR halda áfram spennandi einvígi sínu í kvöld. vísir/Diego

Það var af nægu að taka í Besta sætinu í dag því besta helgi ársins hingað til er fram undan. Hún hefst á risaleik Víkings og Breiðabliks, dúndureinvígum í Bónus-deild karla, Hafnarfjarðarslag í handboltanum og Masters.

Það virðist ákveðið sálfræðistríð í gangi fyrir slaginn í Víkinni í kvöld þar sem misvísandi sögur hafa verið af heilsu Gylfa Þórs Sigurðssonar en Sölvi Geir Ottesen þjálfari Víking segir að hann sé klár í að spila.

Augu margra verða einnig á einvígi Stjörnunnar og KR í 8-liða úrslitum Bónus-deildarinnar þar sem Jakob Örn Sigurðarson, þjálfari KR, er búinn að hella vel af bensíni á bálið með orðum sínum um að Stjörnumenn spili sig sem fórnarlömb. Og ekki þarf að kynda frekar undir hatrömmu einvígi Grindavíkur og Njarðvíkur sem einnig heldur áfram í kvöld.

Enska úrvalsdeildin rúllar líka aftur af stað þar sem hart er barist um titilinn sem og sæti í Meistaradeild Evrópu, og stelpurnar okkar geta tryggt sig inn á EM í handbolta á sunnudaginn fyrir framan fullt hús á Ásvöllum.

Besta sætið er hlaðvarp íþróttadeildar Sýnar. Þátturinn kemur út alla virka daga og er aðgengilegur á helstu hlaðvarpsveitum.




Fleiri fréttir

Sjá meira


×