Besta sætið: Brunahætta af kertum og HSÍ má ekki gleyma stelpunum

Henry Birgir Gunnarsson, Ágúst Orri Arnarson og Stefán Árni Pálsson renndu yfir tíðindi dagsins í þætti dagsins.

Áhugaverður bikardráttur var í Mjólkurbikar karla. Kallað er eftir því að liðin í neðri deildunum fái heimaleiki í 32-liða úrslitunum. Bílflautuleikur eru nefnilega ansi skemmtilegir.

Of mikill snjór er að flækjast fyrir skíðahaldi á Akureyri. Öðruvísi okkur áður brá og minnir þetta mál óneitanlega á þegar IKEA innkallaði kerti vegna brunahættu.

Ofurhlauparinn Elísa Kristinsdóttir fór á kostum um nýliðna helgi í Flórens. Hún átti að taka þátt í hlaupi á Tenerife en var fljót yfir til Ítalíu er hlaupinu á Tene var frestað vegna veðurs. Elísa verður til viðtals í Sportpakkanum á Sýn í kvöld.

Svo var rætt um gagnrýni á HSÍ frá Ásthildi Berthu Bjarkadóttur, leikmanni ÍR, sem fannst halla á stelpurnar í upphitun sambandsins fyrir síðustu landsleiki.

Þáttinn má nálgast á öllum helstu hlaðvarpsveitum. Besta sætið kemur út alla virka daga.