Bergrós heldur velli meðal þeirra bestu í heimi

Ungt íslenskt CrossFit fólk stal senunni í æfingu 26.1 og það var auðvitað ekki hægt að ætlast til þess að þau héldu sér áfram meðal þeirra bestu í heimi. Strákarnir, sem voru tveir efstir í heimi, náðu ekki alveg að fylgja stórskotlegum árangri sínum eftir.

Hin nítján ára gamla Bergrós Björnsdóttir er aftur á móti efst af íslenska CrossFit-fólkinu eftir tvær fyrstu vikurnar af CrossFit Open. Hún varð í fimmta sæti í viku eitt og er í sjötta sæti eftir annan hlutann. Áfram í hópi þeirra bestu í heimi.

Bergrós náði 34. besta tímanum í æfingu 26.2 þar sem hún kláraði á sjö mínútum og 43 sekúndum. Hún varð sjötíu sekúndum á eftir Frakkanum Cladio Gluck sem vann annan hlutann á 6 mínútum og 33 sekúndum.

Æfingin snerist um margar endurtekningar af framstigi með lóð yfir höfði, handlóðasnörum með hvorri hendi, upphífingar, upphífingar á stöng og upphífingar í hringjum.

Næstu íslensku konur á eftir Bergrósu eftir tvær fyrstu vikurnar af opna hlutanum eru Steinunn Anna Sveinsdóttir í 202. sæti, Guðbjörg Valdimarsdóttir í 203. sæti og Elín Bira Hallgrómsdóttir í 229. sæti.

Katrín Tanja Davíðsdóttir tók þátt í The Open og er í 1610. sæti á heimsvísu en hún er hætt að keppa og því aðeins að taka þátt í opna hlutanum til gamans.

Annar reynslubolti, Björgvin Karl Guðmundsson, er aftur á móti kominn upp í efsta sætið hjá íslensku körlunum eftir 26.2 hlutann en hann er í 36. sæti á heimsvísu. Björgvin Karl náði 21. besta tímanum í annarri viku The Open og hoppaði úr 104. sæti eða upp um 68. sæti.

Bjarni Leifs, sem var efstur eftir 26.1 æfinguna, er dottinn niður í 38. sætið en hann var með 152. besta árangurinn í öðrum hluta undankeppninnar.

Rökkvi Hrafn Guðnason féll úr öðru sætinu alla leið niður í 114. sæti en hann var bara með 392. besta árangurinn í 26.2.

Næstu Íslendingar eru síðan Viktor Ólafsson í 434. sæti og Brynjar Ari Magnússon í 654. sæti.