„Bæði lið með lítið sjálfs­traust og leikurinn ein­kenndist af því“

„Það gekk mjög vel,“ sagði Hjalti aðspurður út í hvernig honum fannst vörn Álftnesinga ganga í leiknum og hélt áfram.

„Þeir vissu ekki hvað þeir voru að gera gegn svæðisvörninni okkar. Við breyttum til og vorum að gleyma okkur og allt það en þetta var vörn sem við vorum að setja inn í vikunni og við höfum verið saman í tvo daga. Þetta var ekkert hundrað prósent.“

Keflavík var níu stigum yfir í hálfleik 36-45 og að mati Hjalta voru bæði lið að spila illa í fyrri hálfleik.

„Bæði lið með lítið sjálfstraust og leikurinn einkenndist af því. Við hittum ekki og þetta voru tvö lið sem hafa ekki verið að ná í sigra og það var slatti undir.“

Í þriðja leikhluta settu Keflvíkingar stór skot ofan í sem á endanum braut heimamenn og skilaði tíu stiga sigri.

„Þeir settu niður þrista langt fyrir utan. Möller setti leiðinda þrist ofan í, Egor setti þrist tveimur metrum fyrir utan þriggja stiga línuna og líka Hilmar. Þarna fór leikurinn,“ sagði Hjalti að lokum og endaði á að hrósa Keflvíkingum fyrir að setja þessi stóru skot ofan í.