Kynnir hve­nær þjóðar­at­kvæða­greiðsla um við­ræður við ESB fer fram

Miðilinn Politico hafði eftir heimildarmönnum sínum í febrúar að atkvæðagreiðslan gæti farið fram í ágúst. Þá sagði Kristrún Frostadóttir forsætisráðherra á blaðamannafundi í Póllandi í síðustu viku að hún yrði á næstu mánuðum. 

Lögum samkvæmt getur atkvæðagreiðslan í fyrsta lagi farið fram þremur mánuðum eftir að þingsályktunartillagan er samþykkt á Alþingi. Þorgerður Katrín sagði við fréttastofu fyrr í vikunni að tryggja þurfi stöðu Íslands í aðildarviðræðum, þar á meðal efnahagslegar varnir og yfirráð yfir fiskveiðiauðlindum.

„Við erum ekki búin að velja daginn en á næstu mánuðum munum við halda þjóðaratkvæðagreiðslu,“ sagði Kristrún 25. febrúar. „Við munum hlusta á það sem Íslendingar vilja gera en það er gott að heyra að löndin í Evrópu haldi áfram að vera einstök lönd þrátt fyrir að þau gangi í Evrópusambandið.“

Fréttin er í vinnslu.