Sport

Óþægi­leg heim­koma af ÓL: Sátu fyrir henni og eltu upp að bílnum

Sindri Sverrisson skrifar
Alysa Liu hefur talað um hve mikilvægt sér þyki að hafa gaman af lífinu og hún hafði svo sannarlega gaman af Ólympíugullinu sem hún vann á Ítalíu.
Alysa Liu hefur talað um hve mikilvægt sér þyki að hafa gaman af lífinu og hún hafði svo sannarlega gaman af Ólympíugullinu sem hún vann á Ítalíu. Getty/Matthew Stockman

Ólympíumeistarinn ungi Alysa Liu fékk að kynnast ákveðinni skuggahlið frægðarinnar heima í Bandaríkjunum eftir að hafa slegið í gegn og unnið gull á listskautum, á Ítalíu á dögunum.

Hin tvítuga Liu greindi frá því í Instagram Story að hópur æstra aðdáenda hefði setið fyrir henni á flugvelli, með myndavélar og gripi sem þeir vildu að hún áritaði, og ruðst inn á „hennar persónulega svæði“.

Þá gekk einn aðdáandi svo langt að elta hana alveg upp að bílnum hennar og ljóst að skautadrottningunni þótti þetta ansi óþægilegt.

„Vinsamlegast ekki gera mér þetta,“ skrifaði hún og bætti við hágrátandi lyndistákni.

Alysa Liu birti þessi skrif á Instagram og varð greinilega ekki um sel á flugvellinum.Skjáskot/@alysaxliu

Liu er frá Kaliforníu en var í New York fyrr í þessari viku þar sem hún kom meðal annars fram í Today Show og The Tonight Show með Jimmy Fallon.

Hún varð stórstjarna í Bandaríkjunum með árangri sínum á Vetrarólympíuleikunum í síðasta mánuði því þar varð hún fyrsta Bandaríkjakonan í 24 ár til þess að vinna gull í einstaklingsgrein á listskautum, auk þess að hjálpa Bandaríkjunum að vinna liðakeppnina.

Vetrarólympíuleikar 2026 í Mílanó og Cortina Skautaíþróttir

Mest lesið


Fleiri fréttir

Sjá meira


×

Mest lesið