Birgitta Líf gefur ekkert upp um næstu skref

Viðskiptablaðið greindi fyrst frá ráðningu Önnu og Birgitta staðfesti svo í samtali við fréttastofu að Anna væri að taka við hennar stöðu. 

„Það kemur í ljós von bráðar,“ sagði Birgitta aðspurð um næstu skref á ferli hennar.

Anna Bergmann hefur síðastliðin þrjú og hálft ár gegnt starfi markaðsstjóra hjá Slippfélaginu þar sem hún sá um stefnumótun og framkvæmd markaðsmála. Anna er með B.Sc.-gráðu í Fashion Business Communication and Media frá Istituto Marangoni í Mílanó og er viðurkenndur stafrænn markaðssérfræðingur frá Akademías.

„Spennt fyrir komandi tímum og að taka þátt í áframhaldandi þróun World Class og Laugar Spa. Fyrirtækin hafa byggt upp sterk vörumerki og skýra framtíðarsýn og ég hlakka til að vinna með öflugu teymi að áframhaldandi uppbyggingu og þróun markaðsstarfs þeirra,“ sagði Anna um tíðindin í tilkynningu.