Lilja nýr markaðs- og upp­lifunar­stjóri hjá Högum

Í tilkynningu segir að Lilja muni gegna lykilhlutverki í áframhaldandi uppbyggingu og miðlun á nýju vildarkerfi Haga, Takk, og vinna náið með rekstrareiningum félagsins að því að efla heildstæða upplifun viðskiptavina. 

„Hún mun jafnframt styðja við markaðs- og vörumerkjamál nýrrar rekstrareiningar, Hagar Miðlar.

Lilja býr yfir víðtækri reynslu á sviði markaðs- og sölumála og stafrænnar þróunar. Í fyrri störfum hefur Lilja leitt vörumerkjauppbyggingu þvert á ólíka geira og gegnt leiðandi hlutverkum hjá fyrirtækjum á borð við Sýn, Indó og Krónunni. Síðast starfaði hún sem markaðsstjóri alþjóðamarkaða hjá 66°Norður,“ segir í tilkynningunni.