Tennisstjörnurnar fela hluti í nær­fötunum

Margar af stærstu tennisstjörnum heims hafa nefnilega orðið sér út um sérsaumuð nærföt en það gerir íþróttafólkið til þess að þær geti blekkt mótshaldara með bönnuðum mælitækjum.

Framleiðandi heilsufarsmæla hefur sent sérsaumuð nærföt á nokkur af stóru nöfnunum í miðju fyrsta risamóti ársins. Aftonbladet segir frá.

Carlos Alcaraz, Jannik Sinner og Aryna Sabalenka eru meðal þeirra leikmanna sem spila reglulega með búnaðinn en hefur nú verið sagt að taka hann af sér.

Undir svitabandinu

Spænski heimsmeistarinn Carlos Alcaraz faldi meira að segja mæli undir svitabandinu sínu en dómarinn uppgötvaði það.

Á Opna ástralska er ekki leyfilegt að spila með mæla fyrir líkamleg hreystigildi.

Í nótt mun framleiðandinn hafa sent sendingu með sérsaumuðum boxer-nærbuxum, brjóstahöldurum og nærfötum.

Erfiðara að finna þá

Þau eiga að gefa möguleika á að fela skynjara svo erfiðara sé að uppgötva þá. Eina mótaðgerð mótshaldara væri að láta leikmenn afklæðast fyrir líkamsleit.

Forstjóri og stofnandi fyrirtækisins WHOOP, Will Ahmed, hefur tjáð sig í myndbandi á samfélagsmiðlum.

„Þetta er gríðarlegt hneyksli á Opna ástralska. Þeir hafa sagt að bestu tennisleikarar heims megi ekki bera mælana sína í leikjum. Þetta er í beinni andstöðu við Alþjóða tennissambandið, sem segir að það megi bera þá í leikjum og að það sé óhætt að gera það. Að lokum erum við hér til að vernda hagsmuni leikmanna og rétt þeirra til að skilja heilsu sína og frammistöðu,“ sagði Will Ahmed.

Þetta er bara til að fylgjast með heilsunni minni

Hvítrússneski heimsmeistarinn Aryna Sabalenka segist vera ringluð yfir skilaboðunum frá Opna ástralska.

„Ástæðan fyrir því að ég bar hann á vellinum var sú að við fengum tölvupóst um að við hefðum fengið samþykki frá ITF (Alþjóða tennissambandinu) til að nota þetta tæki. Ég vissi ekki að risamótin hefðu komist að annarri niðurstöðu. Ég skil ekki af hverju, því allt árið notum við þau á WTA-mótum. Á öllum mótum sem ég spila notum við tækin. Þetta er bara til að fylgjast með heilsunni minni,“ sagði Aryna Sabalenka.

Í yfirlýsingu frá ástralska tennissambandinu segja það að leikmenn geti fengið aðgang að svipuðum gögnum annars staðar, í gegnum fyrirtækið sem Opna ástralska notar fyrir rafræna heilsufarsmæla.