„Að­eins örðuvísi stemning en hefur verið í síðustu leikjum“

„Algjörlega. Mér fannst við frábærar bara á eiginlega öllum sviðum. Allar sem að komu inn á voru frábærar og ég er bara ótrúlega ánægður“ sagði Emil Barja eftir sigurinn í kvöld.

Eftir síðasta leik gagnrýndi Emil sitt lið fyrir að mæta ekki tilbúnar í þá baráttu og vera undir á öllum sviðum en það var svo sannarlega ekki raunin í kvöld.

„Já heldur betur. Það hjálpar líka þegar við erum að setja skotin ofan í. Það kemur bara svona auka orka og þú gefur þá aðeins meira í vörnina, fáum stopp og þú færð aftur orku þar“

„Það er ekki eins og þær séu í lélegu formi það er bara um leið og allt fer að ganga þá fer þetta að rúlla og það gengur allt betur“

Emil Barja fann það snemma í leiknum að hans lið væri að hitta á góðan leik.

„Já ég hafði það á tilfinningunni nokkuð snemma. Það var aðeins örðuvísi stemning en hefur verið í síðustu leikjum. Þær voru svona aðeins meira fókusaðar og tilbúnar í þetta“

Amandine Toi átti frábæran leik í kvöld og réði Njarðvík ekkert við hana.

„Það var ótrúlega mikilvægt og bara fyrir hana líka. Hún hefur ekki verið að hitta alveg nógu vel í síðustu leikjum þannig bara ótrúlega mikilvægt fyrir hana að koma sér í gang“

„Hún gerir ótrúlega mikið fyrir liðið okkar. Hún er hérna til að skora og það er bara geggjað þegar það gengur upp“

Sigrar næra og þessi sigur gefur Haukum gríðarlega mikið.

„Ég held að það sé núna tveir sigrar frá okkur og upp í fyrsta sætið. Þetta er rosalega jafnt. Þetta var alveg virkilega mikilvægt fyrir okkur að halda okkur í toppbaráttu sem er okkar markmið“

„Tap núna og við hefðum verið fastar nánast í sjöunda sæti og verið í basli við að komast lengra“ sagði Emil Barja.