Fundur fólksins veglegur í ár

Samúel Karl Ólason skrifar 12. nóvember 2025 09:30

Fundur fólksins hefst í Hörpu klukkan tvö á fimmtudag. Vísir/Vilhelm

Fundur fólksins, sem er ráðstefna á vegum Almannaheilla, fer fram á morgun. Um er að ræða stærsta viðburð samtakanna á árinu.

Halla Tómasdóttir, forseti, og Inga Sæland, félagsmálaráðherra, eru sérstakir gestir ráðstefnunnar í ár en þar verður fjallað um almannaheillafélög og verður það ert frá ýmsum hliðum í nokkrum málstofum í Hörpu. Tekið verður við spurningum úr sal á öllum málstofunum.

Á vef Almannaheilla segir að ráðstefnan sé vegleg í ár og þar bjóðist fólki einstakt tækifæri til að hitta fólk sem hefur eldmóð fyrir uppbyggingu samfélagsins og efla tengslanetið.

Fundur fólksins hefst klukkan tvö og eru áhugasamir beðnir um að skrá mætingu sína. Fyrr um daginn verður haldinn viðburður sem kallast Lýðræðishátíð unga fólksins en þar munu um tvö hundruð ungmenni úr grunnskólum Reykjavíkur koma saman og taka þátt í samtali um ýmis málefni.

Rætt var við Hildi Tryggvadóttur, formann Almannaheilla, og Jón Aðalstein hjá UMFÍ, í Bítínu á Bylgjunni í morgun. Þar var fundurinn á morgun til umræðu.

Dagskrá

Kl. 14:00-14:45

Ávörp

Inga Sæland félags- og húsnæðismálaráðherra

Hildur Tryggvadóttir Flóvenz, formaður Almannaheilla

Leiðir til að fjármagna almannaheillafélög

Bergljót Borg framkvæmdastjóri Gló stuðningsfélags

Willum Þór Þórsson forseti ÍSÍ

Umræður – spurningar úr sal

Kl. 15:00-15:45

Almannaheillafélög, atvinnulífið og árangursríkt samstarf

Ásta S. Fjeldsted forstjóri Festi