Stór skjálfti reið yfir í Tyrk­landi

Tyrkneski miðillinn Daily Sabah greinir frá skjálftanum en hann reið yfir þegar klukkan var að ganga fjögur að íslenskum tíma. Hann hefur eftir almannavörnum í Tyrklandi að viðbragð sé hafið en að ekkert tjón eða mannfall hafi verið tilkynnt.

Ali Yerlikaya innanríkisráðherra sagði á samfélagsmiðlum að viðbragðsteymi hefðu verið gerð út.

„Eins og staðan er hefur ekkert tjón verið tilkynnt. Við fylgjumst vel með stöðunni,“ sagði ráðherrann.

Jarðskjálftar af þessari stærð eru algengir í Tyrklandi. Í febrúar 2023 reið stærðarskjálfti yfir borgina Kahramamaraş sem dró rúmlega fimmtíu þúsund manns til bana.