Djoko­vic varð að játa sig sigraðan

Sinner, sem er efstur á heimslistanum, hafði nokkra yfirburði í einvíginu í dag og vann fyrstu tvö settin bæði 6-3. Djokovic var ólíkur sjálfum sér og meiðslin sem hann varð fyrir í síðasta leik virtust há honum töluvert.

Áhorfendur voru þó margir á bandi gömlu kempunnar og hann fór ágætlega af stað í þriðja settinu en Sinner náði undirtökum á ný og vann það að lokum 6-4.

Sinner mætir Spánverjanun Carlos Alcaraz í úrslitum sem hefur unnið mótið síðustu tvö ár en þeir félagar trjóna á toppi heimslistans.