Sjáðu úr­slitin ráðast í æsi­spennandi vítakeppni í Vest­manna­eyjum

Orkumótið hefur verið haldið árlega frá árinu 1984. Á mótinu keppir sjötti flokkur karla, eldra ár, og hafa margir af bestu knattspyrnumönnum landsins tekið þátt í mótinu á sínum yngri árum.

Íþróttafréttakonan og Eyjamærin Svava Kristín Grétarsdóttir fylgdist grannt með mótinu og gerir því skil í þættinum sem sjá má á Sýn Sport klukkan 20 í kvöld. Þátturinn verður einnig aðgengilegur á Sýn+.

HK sigraði Þrótt frá Reykjavík í úrslitaleik um Orkumótstitilinn í ár en þessi lið mættust einnig í úrslitaleiknum í fyrra, þannig að HK hefndi fyrir tapið þegar Þróttur fagnaði titlinum.

Vítaspyrnukeppni þurfti til að skilja liðin að eins og sjá má í stiklu fyrir þátt kvöldsins hér að neðan.

Þátturinn verður sá fjórði í Sumarmótaröðinni hjá Sýn. Þættir um Lindex, TM og Norðurálsmótin má finna á streymisveitunni Sýn+.