Ís­land lýkur leik í 11. sæti á Billie Jean King Cup

Á mótinu fara fram þrjár viðureignir milli landa. Fyrst eru tvær einstaklings viðureignir og að lokum tvíliðaleikur.

Ísland mætti í gær liði San Marino þar sem Anna Soffia Gronholm vann sína viðureign geng Talita Giardi. Bryndís Rósa Armesto Nuevo mætti svo Silvia Alletti, en hún tapaði fyrir henni. Þá vann San Marino einnig tvíliðaleikinn, og því tap niðurstaðan fyrir íslenska liðið.

Í dag mætti Ísland, Albaníu. Þar var sama sagan í einliðaleikjunum, þar sem Anna Soffía vann sína viðureign en Bryndís tapaði sinni. Þegar kom að tvíliðaleiknum unnu þær hins vegar albanska liðið.

San Marino og Albanía munu eigast við á morgun en ef San Marinu vinnur þar, þá mun Ísland enda í ellefta sæti í þriðja styrkleikaflokki.

Eygló Dís Ármannsdóttir og Iva Jovisic eru einnig hluti af liðinu en kepptu ekki í þessum loka viðureignum.