Innlent

Guð­mundur sagður taka við keflinu

Jón Þór Stefánsson skrifar
Guðmundur Ingi Kristinsson hefur verið þingmaður frá árinu 2017 fyrir Flokk fólksins.
Guðmundur Ingi Kristinsson hefur verið þingmaður frá árinu 2017 fyrir Flokk fólksins. vísir/vilhelm

Guðmundur Ingi Kristinsson mun taka við af Ásthildi Lóu Þórsdóttur sem barna- og menntamálaráðherra.

Rúv greinir frá þessu.

Þegar fréttastofa náði tali af Guðmundi vildi hann ekki tjá sig um málið. Hann sagðist vera á leiðinni á fund.

Tveir ríkisráðsfundir verða haldnir á Bessastöðum í dag. Sá fyrri verður klukkan 15:00 en sá síðari klukkan 15:15.

Gera má ráð fyrir að á fyrri fundinum muni Halla Tómasdóttir, forseti Íslands, veita Ásthildi Lóu lausn úr embætti. Hún tilkynnti um afsögn sína á fimmtudagskvöld. Jafnframt má gera ráð fyrir að á seinni fundinum verði nýr ráðherra skipaður.

Guðmundur hefur verið þingmaður frá árinu 2017 fyrir Flokk fólksins. Hann er varaformaður flokksins og hefur verið þingflokksformaður síðan 2018. Samkvæmt Rúv mun Ragnar Þór Ingólfsson taka við þingflokksformennskunni af Guðmundi.

Flokkur fólksins Alþingi Ríkisstjórn Kristrúnar Frostadóttur Barnamálaráðherra segir af sér

Tengdar fréttir

Tveir ríkisráðsfundir á morgun

Tveir ríkisráðsfundir verða haldnir á Bessastöðum á morgun, sunnudaginn 23. mars. Sá fyrri verður klukkan 15:00 en sá síðari klukkan 15:15.

„Sjáum einn einstakling gjörsamlega mulinn mélinu smærra“

Inga Sæland, formaður Flokks fólksins, segist hafa fengið að vita af máli Ásthildar Lóu Þórsdóttur, fráfarandi barna- og menntamálaráðherra, um tvöleytið í gær, nokkrum klukkutímum áður en hún tilkynnti um afsögn sína í gærkvöldi. Að mati Ingu er það Ásthildar að meta og ákveða það hvort hún haldi áfram á þingi.

„Þetta er auðvitað alvarlegt mál“

„Þetta er auðvitað alvarlegt mál en ég verð að segja að ég auðvitað veit ekkert meira en hinn almenni maður. Það er að segja ég var ekki viðstödd þegar þessi samskipti áttu sér stað fyrir rúmlega þrjátíu árum síðan.“

Mest lesið


Fleiri fréttir

Sjá meira


×

Mest lesið