Atvinnulíf

Góð ráð: Draumastarfið á draumavinnustaðnum

Rakel Sveinsdóttir skrifar
Stundum finnum við draumavinnustaðinn áður en við finnum draumastarfið. En ef við erum svo heppin, er líka um að gera að láta vita af okkur og stuðla þannig sjálf að því að ná mögulega að vaxa í starfi á þessum frábæra vinnustað.
Stundum finnum við draumavinnustaðinn áður en við finnum draumastarfið. En ef við erum svo heppin, er líka um að gera að láta vita af okkur og stuðla þannig sjálf að því að ná mögulega að vaxa í starfi á þessum frábæra vinnustað. Vísir/Getty

Að vinna á draumavinnustaðnum er geggjuð upplifun. Að hlakka til hvers dags til að fara að vinna og upplifa daginn sem ánægjuna eina: Svo gaman að vinna, svo frábær vinnustaður.

Ómægod segja einhverjir: Getur vinnan virkilega verið svona frábær?

Svarið er: Já, svo sannarlega. 

Og engin ástæða til annars en að velta því fyrir okkur hvort það leynist meira að segja enn frekari starfstækifæri fyrir okkur ef við erum svo heppin að vera búin að finna draumavinnustaðinn.

Því hvar annars staðar en á góðum stað er betra að efla okkur sjálf, þroskast og þróast í starfi?

Spurningin er bara: Hvernig getum við stuðlað að því sjálf að vaxa í starfi á þessum draumavinnustað? Því þótt vinnustaðir séu margir hverjir farnir að leggja mikla áherslu á starfsþróun og tækifæri, er ekki þar með sagt að það sé ekki eitthvað sem við þurfum að hafa fyrir sjálf.

Hér eru nokkur góð ráð sem geta hjálpað.

  1. Sýndu frumkvæði og leggðu þig fram við að biðja um verkefni eða bjóðast til að sinna þeim
  2. Ræktaðu gott samstarf og góðan vinskap við samstarfsfélaga þína og leggðu þig fram við að kynnast fólki á vinnustaðnum
  3. Vertu sérstaklega vel undirbúin/n ef þú sækir um starf innan fyrirtækisins
  4. Ræktaðu gott samband við yfirmanninn þinn en láttu þó það góða samband ekki koma í veg fyrir að þú sækir um störf á öðrum sviðum innan vinnustaðarins
  5. Þótt þú sért ekki enn komin/n í draumastarfið þitt, er mikilvægt að þú sinnir því með ánægju og heilum hug og verðir ekki uppvís að því að kvarta og kveina; öll störf skipta máli
Starfsframi Góðu ráðin

Tengdar fréttir

Starfsframinn: Góð ráð fyrir atvinnuviðtalið

Inga Steinunn Arnardóttir ráðgjafi hjá Hagvangi fer hér yfir nokkur góð ráð fyrir fólk sem er að fara í atvinnuviðtal. Hún ráðleggur fólki að fara úr yfirhöfninni, þiggja vatnsglasið, vera íhaldssamt í klæðnaði, jákvætt og vel undirbúið.

Atvinnuviðtalið: „Mikilvægt að spá vel í söguna sem maður er að selja“

„Að komast í atvinnuviðtalið eða draumastarfið snýst oft um undirbúninginn. Því sá sem situr hinum megin við borðið er kannski aðili að lesa hundrað ferilskrár og þín ferilskrá er því aðeins að fara að fá nokkrar sekúndur til að ná í gegn,“ segir Sturla Jóhann Hreinsson framkvæmdastjóri Vertu Betri ráðningaráðgjafar og vinnusálfræðingur.



Mest lesið


Fleiri fréttir

Sjá meira


×

Mest lesið