„Að­finnslu­vert hátta­lag“ og sofið á salerni veitinga­staðar

Þá var óskað eftir aðstoð lögreglu við að fjarlægja einstakling úr strætó sem hafði ógnað öðrum farþegum.

Lögreglu bárust einnig þrjár tilkynningar um „aðfinnsluvert háttalag“, eins og það er orðað, í þremur hverfum. Í einu tilviki virðast átök hafa átt sér stað og öðru hótanir.

Lögregla kom einnig að málum þegar einstaklingur læsti sig inni á salerni á veitingastað í miðborginni. Virðist viðkomandi hafa sofnað þar inni, var vakinn og hélt sína leið.

Einnig bárust tilkynningar um krakkahóp að skemma strætóskýli, um þjófnað í matvöruverslun og skemmdarverk á bifreið.