Jóna Dóra til Hag­kaups

Í fréttatilkynningu þess efnis segir að Jóna Dóra hafi víðtæka reynslu af birgðastýringu, meðal annars fyrir fyrirtækin ILVA og Vodafone. Einnig þekki Jóna Dóra Hagkaup vel en hún hafi fyrst hafið störf hjá fyrirtækinu árið 1992 þá á afgreiðslukassa og unnið sig síðar upp í ýmis störf innan fyrirtækisins á borð við deildarstjóra matvöru, svæðisstjóra leikfanga og aðstoðarverslunarstjóri.

Jóna Dóra sé viðskiptafræðingur að mennt frá Háskólanum á Bifröst og hafi útskrifast með meistaragráðu í forystu og stjórnun frá sama skóla árið 2017.

„Framundan eru spennandi tækifæri til að bæta ferla, auka skilvirkni og tryggja að við höldum áfram að veita framúrskarandi þjónustu.“ er haft eftir Jónu Dóru.

„Það er mikill fengur fyrir okkur að fá Jónu Dóru aftur heim í Hagkaup með alla sína reynslu í þetta mikilvæga hlutverk innan fyrirtækisins. Öflug birgðastýring skiptir gríðarlega miklu máli og þá kemur Jóna Dóra sterk inn með alla sína þekkingu eftir að hafa starfað í verslun í fjöldamörg ár. Hún mun meðal annars hafa yfirumsjón með AGR birgðakerfi fyrirtækisins sem er okkar mikilvægasta tól í baráttunni við matarsóun. Við erum eins og fyrr segir afar ánægð að hafa fengið Jónu Dóru aftur í Hagkaup og við hlökkum til að fylgjast með henni í þessu nýja og mikilvæga hlutverki“ er haft eftir Sigurði Reynaldssyni, framkvæmdastjóra Hagkaups.