Aðal­steinn að­stoðar Þor­gerði

Þetta kemur fram á vef stjórnarráðsins, en þar segir að hann muni taka til starfa þann 1. mars næstkomandi.

Aðalsteinn tók sæti á lista Viðreisnar í nýliðnum Alþingiskosningum, en það munaðu örfáum atkvæðum á því að hann kæmist inn á þing.

Aðalsteinn er stjórnmálafræðingur frá Háskóla Íslands. Þá er hann með masterspróf í stjórnmálum og hagfræði ESB frá London School of Economics and Political Science og með MBA-próf frá Heriot-Watt University.

„Aðalsteinn er með mikla reynslu af alþjóðamálum og hefur meðal annars starfað áður fyrir utanríkisráðuneytið, unnið hjá utanríkisþjónustu ESB, verið sérfræðingur hjá EFTA í Brussel og auk þess að vera í yfirstjórn samtakanna í höfuðstöðvum EFTA í Genf. Aðalsteinn var ríkissáttasemjari og hefur auk þess verið lektor í Háskólanum í Reykjavík þar sem hann kenndi meðal annars áfanga um Evrópusambandið, Alþjóðviðskiptastofnunina (WTO) og fríverslunarsamninga og þjálfaði MBA-nemendur og meistaranema í lögfræði í samningatækni,“ segir á vef stjórnarráðsins.

Aðalsteinn verður ekki eini aðstoðarmaður Þorgerðar, en þegar hefur verið greint frá ráðningu Ingileifar Friðriksdóttur í starf aðstoðarmanns utanríkisráðherra.