Al­gjör perla Jóhanns gegn sveinum Gerrards

Markið skoraði Jóhann með frábæru föstu skoti, langt utan teigs, efst i vinstra hornið. Markið má sjá hér að neðan ásamt öllu því helsta sem gerðist í leiknum.

Markið skoraði Jóhann framhjá slóvakíska landsliðsmarkverðinum Marek Rodák, og jafnaði metin í 2-2 gegn Al Ettifaq. Jóhann og félagar fögnuðu svo 3-2 sigri.

Það var Spánverjinn Cristian Tello, fyrrverandi leikmaður Barcelona og Real Betis, sem skoraði hin tvö mörkin fyrir Al Orobah, og þar á meðal sigurmarkið á 84. mínútu.

Hollendingurinn Georginio Wijanldum, fyrrverandi leikmaður Liverpool, hafði komið Al Ettifaq í 2-1 i lok fyrri hálfleiks, þrátt fyrir að Abduallah Radif, kantmaður liðsins, væri rekinn af velli skömmu áður. Portúgalinn Joao Costa hafði áður jafnað metin í 1-1.

Markið sem Jóhann skoraði var hans annað i sjö leikjum í sádiarabísku deildinni. Al Orobah er eftir sigurinn með tíu stig í 10. sæti af átján liðum en Al Hilal er efst með fullt hús stiga, eða 21 stig.