Haaland að verða pabbi

Haaland skoraði tvö mörk þegar Noregur lagði Slóveníu 3-0 í Þjóðadeildinni. Hann er búinn að skora 34 mörk í aðeins 36 landsleikjum en gamla metið átti Jørgen Juve og hefur það staðið síðan 1937.

Eftir leikinn birti Haaland myndina sem sést hér að ofan á samfélagsmiðlum með einföldum texta, „Soon“, eða „Bráðum“ og lét tjákn af kornabarni fylgja svo ekkert færi á milli mála í þessum skilaboðum.

Unnusta Haaland er landi hans Isabel Haugseng Johansen og er fjórum árum yngri en hinn 24 ára Haaland. Liðsfélagar hans í landsliðinu höfðu ekki hugmynd um að þau ættu von á barni og því síður að þessi tilkynning kæmi eftir leikinn og því var afar kátt á hjalla í klefanum eftir leik þegar tíðindin bárust.