KR mun spila í Macron á næstu leik­tíð

Macron er íþróttavörumerki frá Ítalíu og mun samningur þess við KR taka gildi þegar yfirstandandi leiktíð er lokið en KR leikur í fatnaði frá Nike í dag. Þá segir í yfirlýsingunni að KR Macronvörur fari í sölu í byrjun nóvember og munu allir flokkar félagsins spila í Macron á næsta keppnistímabili. Þá verður keppnistreyja félagsins innifalin í æfingafjöldum yngri flokka.

„Ég er spenntur fyrir samstarfi við Macron. Macron er ört stækkandi merki og væntum við mikils af þeim. Það fer gott orð af Macron, hvort sem er hér innanlands eða utan. Við vitum að þeir munu þjónusta iðkenndur okkar vel sem skiptir okkur höfuðmáli,“ segir Páll Kristjánsson formaður knattspyrnudeildar KR.

Karlalið KR situr sem stendur í 9. sæti Bestu deildar karla með 21 stig, þremur fyrir ofan fallsæti en þó með leik til góða. Kvennaliðið er í 2. sæti 2. deildar með 39 stigum, tveimur minna en topplið Hauka þegar fjórar umferðir eru eftir af úrslitakeppninni. Efstu tvö liðin fara upp í Lengjudeildina.