Orri sagður á leið til Sociedad fyrir þrjá milljarða króna

Samkvæmt heimildum Romano er kaupverðið rétt rúmir þrír milljarðar króna.

Búið er að orða íslenska landsliðsmanninn við spænska félagið síðustu daga og þessi tíðindi koma því ekki á óvart. Leikmannamarkaðurinn á Spáni lokar í kvöld og því síðustu forvöð fyrir félögin að styrkja sig.

Orri Steinn varð tvítugur í gær og þetta er því afmælisgjöf í lagi. Framherjinn hefur skorað tvö mörk í átta landsleikjum.

Hann hefur ekki bara verið undir smásjá Sociedad því ensku meistararnir í Man. City voru einnig með hann á radarnum hjá sér.