Logi Geirs og Inga Tinna eignuðust prinsessu

„Prinsessan er mætt og á einu augabragði 25.07.2024 stækkaði allt í okkar lífi. Fjölskyldan, tilgangurinn, hjartað og ástin. Gætum ekki verið hamingjusamari,“ segja þau á Instagram.

„Fyrsti andardrátturinn þinn tók okkar í burtu og það var eins og tíminn stæði í stað. Yndisleg stund sem við geymum í hjörtum okkar alla tíð.“

Inga Tinna og Logi fóru að stinga saman nefjum í upphafi ársins 2023, en um er að ræða sannkallað stjörnupar. Athafnakonan Inga Tinna er stofnandi og framkvæmdastjóri Dineout, og Logi Geirs er fyrrverandi landsliðsmaður í handbolta og einkaþjálfari.