Lífið

Ramsay snæddi á Nebraska og lenti í á­rekstri á Edition

Kolbeinn Tumi Daðason skrifar
Ramsay veiddi þennan lax í soginu sumarið 2022 og birti mynd af aflanum á Instagram.
Ramsay veiddi þennan lax í soginu sumarið 2022 og birti mynd af aflanum á Instagram.

Stjörnukokkurinn og annálaði Íslandsvinurinn Gordon Ramsay er enn eina ferðina mættur hingað til lands. Þótt bókunum ferðamanna á gistingu hér á landi hafi farið fækkandi á milli ára þá missir Ramsay ekki úr Íslandsferð.

Ramsay snæddi samkvæmt upplýsingum fréttastofu á veitingastaðnum Nebraska á Barónstíg í gærkvöldi og lét vel af málsverðinum. Þá sást til Ramsay á Edition-hótelinu í gær. Kokkurinn var eitthvað utan við sig og gekk á íslenska konu sem var mætt með manni sínum til að skála fyrir lífinu.

Ramsay var hinn kurteisasti, bað konuna afsökunar á árekstrinum og allir skildu sáttir.

Ramsay hefur verið fastagestur á Íslandi undanfarinn áratug og vanið komur sínar hingað á sumrin. Hann er mikill áhugamaður um laxveiði og ekki ólíklegt að veiði sé á dagskrá hjá kappanum.

Íslandsvinir Ferðamennska á Íslandi

Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.