De Jong ekki með Hollandi á EM

Hinn 27 ára gamli De Jong hefur verið lykilmaður í liði Hollands undanfarin ár en verður hvergi sjáanlegur þegar Hollendingar mæta til leiks í Þýskalandi. Knattspyrnusamband Hollands greindi frá tíðindunum í gærkvöld. Ekki kemur fram nákvæmlega hvað er að hrjá De Jong en hann ku vera að glíma við meiðsli.

Það var ekki að sjá að fjarvera De Jong hefði mikil áhrif á spilamennsku liðið gegn Íslandi þegar liðin mættust í Rotterdam í gær, mánudag. Hollendingar unnu sannfærandi 4-0 sigur sem var síst of stór.

Holland er í D-riðli á EM ásamt Frakklandi, Póllandi og Austurríki.