Enn rís Mið­flokkurinn

Fylgi Sjálfstæðisflokksins heldur áfram að dala og fer úr 17,3 prósenta fylgi í desember í 16,6 prósent í janúarkönnuninni. Sé tillit tekið til vikmarka skarast fylgi Sjálfstæðisflokksins og Samfylkingarinnar ekki og er munurinn því marktækur ellefta mánuðinn í röð.

Samanlagt fylgi ríkisstjórnarflokkanna stendur í stað milli mælinga og er nú 32,6 prósent.

Spurt var: Ef kosið yrði til Alþingis í dag hvaða flokk eða lista myndir þú kjósa? (fylgi í desember 2023 er innan sviga)

• Samfylkingin: 25,7 prósent (26,3 prósent)
• Sjálfstæðisflokkurinn: 16,6 prósent (17,3 prósent)
• Miðflokkurinn: 11,8 prósent (9,4 prósent)
• Viðreisn: 11,7 prósent (12,2 prósent)
• Framsóknarflokkurinn: 10,3 prósent (9,9 prósent)
• Píratar: 7,6 prósent (8,1 prósent)
• Flokkur fólksins: 6,5 prósent (6,8 prósent)
• Vinstri græn: 5,7 prósent (5,6 prósent)
• Sósíalistaflokkurinn: 4,1 prósent (4,3 prósent)

Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Svarendur voru alls staðar af á landinu og á aldrinum átján ára og eldri. Könnunin fór fram dagana 10. til 15. janúar 2024 og voru svarendur 1.936 talsins.