Ein besta fótboltakona heims skellti sér á skeljarnar

Kerr birti mynd af sér á skeljunum á Instagram í dag. Miðað við það sem hún skrifaði við færsluna bað hún Mewis 1. september síðastliðinn. Kerr og Mewis hafa verið saman frá því 2021.

Kerr leikur með Chelsea og hefur orðið enskur meistari með liðinu undanfarin fjögur ár auk þess að vinna bikarkeppnina þrjú ár í röð. Hún hefur tvisvar sinnum orðið markahæst í ensku úrvalsdeildinni. Kerr varð einnig markadrottning þegar hún spilaði í Ástralíu og Bandaríkjunum.

Hin þrítuga Kerr hefur skorað 69 mörk í 128 leikjum fyrir Ástralíu. Hún er markahæst í sögu ástralska landsliðsins.

Mewis, sem er 32 ára, leikur með Gotham í Bandaríkjunum. Hún hefur leikið 53 leiki fyrir bandaríska landsliðið og skorað sjö mörk.