Íslenski boltinn

Dofri leggur skóna á hilluna

Runólfur Trausti Þórhallsson skrifar
Dofri Snorrason í leik með Víkingum.
Dofri Snorrason í leik með Víkingum. vísir/bára

Dofri Snorrason hefur ákveðið að kalla þetta gott og hefur lagt skóna á hilluna eftir þrettán ár í meistaraflokki karla í knattspyrnu. Hann hóf ferilinn með uppeldisfélaginu KR en hefur einnig spilað fyrir Víking, Selfoss og Fjölni á ferli sínum.

Hinn 33 ára gamli Dofri lék sína fyrstu meistaraflokks leiki árið 2010. Hann spilaði stóran þátt í Íslands og bikarmeistaratitli KR ári síðar. Skoraði hann meðal annars markið sem gulltryggði KR Íslandsmeistaratitilinn.

Dofri varð einnig bikarmeistari með Víking árið 2019 en ári síðar hélt hann upp í Grafarvogi og hefur leikið með Fjölni allar götur síðan.

Dofri var mjög fjölhæfur leikmaður og gat leikið í báðum bakvörðum, á miðjunni og jafnvel kanti á sínum yngri árum. Alls lék hann 382 KSÍ -leiki, þar af 138 í efstu deild.

Fótbolti.net greindi fyrst frá.

Fótbolti Íslenski boltinn Fjölnir Lengjudeild karla

Mest lesið


Fleiri fréttir

Sjá meira


×

Mest lesið