Guðni og Eliza fagna fimm­tíu árum með Karli Gústaf

Hjónin voru stór­glæsi­leg þar sem þau mættu til leik­sýningar í Drottning­holm hallar­leik­húsinu og svo í við­hafnar­kvöld­verð í Drottning­holm höllinni í kjöl­farið. Karl Gústaf varð þjóð­höfðingi Sví­þjóðar árið 1973 við and­lát afa síns, Gústafs VI. Adolfs konungs.

Missti föður sinn níu mánaða gamall

Faðir Karls Gústafs og þá­verandi krón­prins, Gústav Adolf, lést í flug­slysi árið 1947 á Kastrup flug­velli í Kaup­manna­höfn. Hann var á leið frá Amsterdam til Stokk­hólms og vél hans var að milli­lenda í Dan­mörku þegar stýris­búnaður vélarinnar læstist með þeim af­leiðingum að hún hrundi til jarðar. 22 far­þegar voru um borð og létust þeir allir.

Karl Gústaf varð því erfingi krúnunnar níu mánaða gamall. Hann og systur hans þær Margrét prinsessa, Dési­ré­e, Birgitta og Kristína hafa sjaldan rætt föður­missinn opin­ber­lega. Móðir þeirra Si­bylla prinsessa hefur lýst því hvernig ver­öld sín hrundi vegna and­láts Gústavs.

Karl Gústaf ræddi and­lát föður síns í fyrsta sinn árið 2004 í ræðu eftir mann­skæða flóð­bylgju þar sem rúm­lega 200 þúsund manns létust. Þar á meðal voru sex hundruð Svíar og lá harmleikurinn Svíum nærri. Karl deildi því með heimsbyggðinni að hann kannaðist við það hvernig það var að missa foreldri.

„Mörg börn hafa misst einn, jafn­vel tvo for­eldra. Ég veit hvernig það er, ég hef verið slíkt barn. Faðir minn dó í flug­slysi þegar ég var pínu­lítill. Þannig að ég veit hvernig það er að alast upp án föðurs.“

Lengst ríkjandi konungur Sví­þjóðar

Karl Gústaf er orðinn þaul­setnasti konungur Sví­þjóðar. Hann setti metið árið 2018 þegar hann hafði verið í há­sætinu í 44 ár og 223 daga. Fyrra metið var nokkurra alda gamalt.

Það átti Magnus Eriks­son, sem sam­kvæmt opin­berum skjölum Svía, var konungur í 44 ár og 222 daga á 14.öld. Karl sló því nokkurra alda­gamalt met en hann var einungis 27 ára þegar hann varð konungur fyrir 50 árum síðan árið 1973.

Í dag verður messa í Slott­skyrkan í til­efni dagsins sem þau Guðni Th. Jóhannes­son og Eliza Reid, for­seta­hjón, munu sækja fyrir Ís­lands hönd á­samt sænsku konungs­fjöl­skyldunni og full­trúum hinna norður­landanna. Að henni lokinni verður konungurinn hylltur frá svölum konungs­hallarinnar.

Þá verður nor­rænum þjóð­höfðingjum boðið til há­degis­verðar með sænsku konungs­hjónunum og Ulf Kristers­son, for­sætis­ráð­herra Sví­þjóðar. Dag­skrá krýningar­af­mælisins lýkur svo með há­tíðar­kvöld­verði í konungs­höllinni í kvöld.