Fótbolti

Bernd Leno varði eins og berserkur þegar Fulham lagði Everton

Siggeir Ævarsson skrifar
Leno þegar hann var enn liðsmaður Arsenal
Leno þegar hann var enn liðsmaður Arsenal Vísir/Getty

Bernd Leno var hetja Fulham í dag þegar liðið lagði Everton 0-1 í fyrstu umferð ensku úrvalsdeildarinnar. Nýliðar Luton fengu fjögur mörk á sig í sínum fyrsta leik.

Everton-menn sóttu nánast án afláts í dag en tókst ekki að skora löglegt mark. Þeir komu boltanum í netið í fyrri hálfleik en aukaspyrna var dæmd þar sem einn sóknarmanna Everton var eitthvað að þvælast fyrir Leno þegar hann freistaði þess að grípa boltanum í teignum. 

Everton átti alls 19 marktilraunir í dag en það dugði ekki til. Leno átti einfaldlega svör við öllu sem á markið kom.

Nýliðar Luton sóttu Brighton heim en riðu ekki feitum hesti frá þeirri heimsókn, lokatölur í Brighton 4-1 heimamönnum í vil.

Úrslit dagsins

Arsenal 2 - Fulham 1

Bournemouth 1 - West Ham 1

Brighton 4 - Luton 1

Everton 0 - Fulham 1

Sheffield Utd 0 - Crystal Palace 1

Leikur Newcaste og Aston Villa hefst svo núna kl. 16:30

Fótbolti Enski boltinn

Mest lesið


Fleiri fréttir

Sjá meira


×

Mest lesið