Allt í einu birtust bara BKG, Anníe Mist og Frederik

Björgvin Karl Guðmundsson, sem keppir á sínum tíundu leikum, hefur verið úti undanfarna daga en það eru mikil viðbrigði fyrir fólkið sem æfir á Íslandi að skipta yfir í hitann í Bandaríkjunum.

Anníe kom síðan út þrettán dögum fyrir fyrsta keppnisdag á heimsleikunum sem standa yfir frá 1. til 6. ágúst næstkomandi. Hún fær því tæpar tvær vikur til að venjast aðstæðum.

Anníe Mist er auðvitað með sinn mann, Frederik Ægidius, með sér en þau hittu svo fyrir Björgvin Karl við komuna út.

Það má ekkert gefa eftir í undirbúningnum fyrir heimsleikana og því ákváðu að finna sér CrossFit stöð til að æfa í gær og fundu hans hjá CrossFit Time Warp í Menomonee Falls sem er úthvefi Milwaukee í Wisconsin fylki.

Fastagestir stöðvarinnar höfðu mjög gaman af því að sjá þrjár CrossFit stórstjörnur ganga inn í salinn og sögðu frá heimsókninni á samfélagsmiðlum sínum eins og sjá má hér fyrir neðan.

„Bara venjulegur fimmtudagur þangað til Anníe Mist Þórisdóttir, Björgvin Karl Guðmundsson og Frederik Ægidius ákveða að kíkja í heimsókn,“ sagði á miðlum stöðvarinnar.

„Svo óvæntur glaðningur fyrir okkur og við óskum ykkur góðs gengis á heimsleiknum í CrossFit. CFTW-liðið mun halda með ykkur,“ sagði þar enn fremur.

Það mátti líka finna óheppna meðlimi í stöðunni sem bölvuðu því að hafa einmitt verið að vinna þenann dag og því misst af því að hitta íslensku stjörnurnar sem hafa haldið sér í hópi bestu í heimi í meira en áratug.