Fyrir­­liði Fiorentina blóðugur eftir að glasi var kastað úr stúkunni

Biraghi var að gera sig kláran til að taka hornspyrnu þegar stuðningsmenn West Ham byrjuðu að kasta tómum plastglösum inn á völlinn. Glösunum rigndi yfir Biraghi og aðstoðardómarann sem þurftu að flýja en Biraghi fékk eitt glasið í höfuðið.

Nokkuð blæddi úr Biraghi eftir atvikið og þurfti að gera hlé á leiknum á meðan gert var að sárum hans. Leikmenn West Ham gengu að stúkunni og biðluðu til stuðningsmanna West Ham að hætta að kasta hlutum inn á völlinn.

Fyrri hálfleikur er enn í gangi í Prag og er staðan 0-0 þegar skammt er til loka fyrri hálfleiks.